世界有幾大,探索無彊界 - CTgoodjobs powered by Career Times
Back to CTgoodjobs.hk
FancyBox


郭美德 Joanna Kwok

恒生管理學院企管發展中心總監,專責籌備行政人員課程及企業培訓;擁有豐富市場營銷、公關、管理及培訓行政人員經驗;碩士課程顧問及學生導師,致力培育下一代終身學習。

世界有幾大,探索無彊界



筆者最近參予咗很多有趣的活動,包括返母校上了一個「一帶一路」的一星期課程;認識了一些新朋友,還在WhatsApp群組中延續這份情誼。老師也常分享有關課題的資料,希望我們可以將香港在「一帶一路」的發揮作用擴大。年輕人——這個是你們發揮、發展的黃金機會。

之後,我去咗越南芽莊旅行。以前因工作關係,亦曾到訪過胡志明市同埋河內。今次芽莊之旅,好多嘢都係我意料之外,那邊東西價錢平,地方乾淨先進,在一間Fusion餐廳喝杯Vietnam Coffee都係港幣11元,走的當天仲係新機場啓用嘅日子㖭!

剛剛提到「一帶一路」計劃 ,越南其實就係喺呢個板圖裏面。越南嘅發展一日千里,相對之下,香港又有點比下去。我心想其實一個相對落後嘅地方,因為新發展嘅關係,好多嘢可以選用最先進嘅科技。相對香港,一個已經發展咗咁多年嘅城市,如果我哋唔再急起直追,其實好多嘢都會比鄰近國家取代。

整潔的街道跟絡繹不絕的行車道,更能突顯越南的發展一日千里。

呢個係我最為年輕人擔心嘅地方。多啲去附近周圍嘅城市睇下,包括國內嘅城市。我哋就會喺比較之下明白應該點樣去進步。世界係好大嘅,如果我哋故步自封,不進則退,情況就同我哋講教育嘅持續發展、持續進修一樣。如果香港人唔再急起直追,唔放眼世界,我哋就好快連越南都比下去。今次旅遊我係越南發現,當地有幾個地方都擺放咗一D平時喺電視睇到「水上嘉年華」嘅充氣水上浮動障礙物,包括「珍珠樂園」同我住過嘅一間酒店,好多人都玩得好開心、投入。呢D設備你諗下都會知道價錢唔多貴,但你可以見到佢地可以吸引幾多遊客!香港四面環海,點解我哋偏偏就見唔到有呢啲最簡單嘅設備? 加啲好微細嘅想像空間,其實就可以帶嚟無限商機。

芽莊的離島及不少酒店也設有規模不ㄧ的玩樂設施以至水上樂園,或者香港也可在大嶼山或海邊沿岸區效法?

我希望我哋每一個香港人多啲去創新思考,多啲去諗下點樣可以香港做得更好。越南係昔日東南亞嘅珍珠,而香港更係世界知名嘅「東方之珠」,我哋唔好畀呢一個珍珠美名消失啊!

(聯絡電郵:edcdirector@hsmc.edu.hk )


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。



Share