Back to CTgoodjobs.hk
FancyBox


郭美德 Joanna Kwok

恒生管理學院企管發展中心總監,專責籌備行政人員課程及企業培訓;擁有豐富市場營銷、公關、管理及培訓行政人員經驗;碩士課程顧問及學生導師,致力培育下一代終身學習。

公關與廣告互相輝映



最近感冒所以未有時間同大家分享,近來天氣轉涼,希望大家都保重身體!

又講番當年我工作嘅時候,因為我有Marketing嘅底,再加上PR嘅知識,喺我轉第三份工嘅時候,就去咗當時喺Fortune 500(全球最大500家公司之一)嘅K膠卷公司做,負責內地市場推廣同廣告工作。公關部門嘅同事好快就拱手將內地嘅公關工作交埋畀我,而我自己亦都好樂意去多做一點,多學一些有關中國市場嘅公關技巧。因為將Advertising & Sales Promotion嘅概念加埋PR去做,其實係最理想。

呢D範疇喺好多公司可能係由兩個不同部門嘅同事負責,而佢地有機會唔多溝通,變成你有你做廣告;佢有佢做公關計劃。我認為一間公司裏面,呢兩個部門如同屬一個主管,又或者一個Unit兼顧呢兩個工種,咁就可以發揮得最理想。

某一年聖誕,我哋準備推出「買菲林送迪X尼年曆」嘅Promotion,我就乘勢加埋公關活動——去孤兒院送海報宣傳,效果不錯。到新年,我想加強推廣,而當時中國剛剛開放無耐(以前係不准提「神佛」之類),咁我就想創新試一下「買菲林送財神海報」嘅宣傳推廣活動,並加入公關元素,在北京、上海和廣州各城市主要大舖找個財神在店內派利是(內附下次買菲林時有折扣嘅優惠劵),加上刊登廣告,講述各地活動推廣嘅詳情,發埋新聞稿。

左:「派財神」宣傳活動的海報圖樣;右:當年活動舉行期間的盛況。

呢次活動甚至可以登上香港報章——方向日報嘅中國版面(由新華社發稿),算是很意外,因為當時我哋係針對中國傳媒同報章雜誌。以商業活動而言,其實係甚少可以在此欄出現。我相信這就是敢於創新,再將市場推廣、廣告和公關共冶一爐的效果。大家可以當Case Study參考一下,須知道「橋唔怕舊,最緊要受」。

(聯絡電郵:edcdirector@hsmc.edu.hk )


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。



Share