審視你的生涯彩虹 - CTgoodjobs powered by Career Times
Back to CTgoodjobs.hk
FancyBox


HR熊 - 職場航行日誌

人事部工作既小妹,見盡唔少公司既「人」同「事」,係呢個平台上一齊分享職場上既苦與樂,笑與淚。

審視你的生涯彩虹



廿歲出頭步入職場,唔少人開始懼怕於生命入面扮演著太多既角色,每種角色帶黎既壓力,加加埋埋變得好混沌好勞累。漸漸就將自己係生活上既份量愈放愈小,好多時係面試期間遇到七十後,八十後,睇得出強裝笑容後係一臉愁容,可能佢地正正係位於生活負擔最重既高峰時期,要兼顧既人和事都太多。

而家由高小開始,已經好常聽到要做「生涯規劃」,學校提供形形色色既問卷,生涯卡和評核工具俾學生去完成,及早了解佢地既個人特質和興趣,究竟最適合佢地未來做既工作類別係邊啲呢。對於學生而言,將來職場既世界仲係好遙遠既課題,十幾年既成長時間充滿變數。重覆又重覆去做評估,盲目後只會當係一個交功課既任務,未真正得到實際既用途。對家長而言會變成一種無形既壓力,想小朋友叻係某方面既才能,但如果評估結果不如人意,就會令佢地失望、氣憤,可能無意之中逼迫小朋友要刻意加強某方面既才能,咁又係唔係好事呢?

小熊近年study「生涯規劃」呢方面既知識,了解多左佢大帶出詳細既概念,對於我地已經出黎工作左一段時間既人,其實大部分諗法都係一邊工作覺得條路岩自己走就繼續走,加上要考慮經濟和家庭上既負擔而作出最低風險既決定,做緊既工作係咪興趣唔係最重要。

Donald E.Super 描繪出一個多重角色生涯發展既綜合圖形,稱為「生涯彩虹圖」(life-career rainbow),呢個圖係適合我地呢班擁有緊最多角色扮演既時期去做,劃分番自己身處既角色,除左圖中本身有既子女、學生、休閑者、公民、工作者、持家者六個不同既角色外,如果有其他既可以再加上去。

簡單講講點樣去完成呢個圖,一眼就清楚檢視到自己既生涯彩虹偏重係邊個方向。首先橫向咁睇,我地跟隨年齡劃出色帶,色帶既高低代表角色係當時期既份量,未到達既年紀就作出估算去劃出色帶。

聚精會神畫圖時其實多多少少牽引到一啲情緒,記番起讀緊高中和大學時好hard core顧住搵學費,個個放學去唱k去食甜品總之就係洗錢換快樂,而我永遠都係成日搵個好朋友幫我拍卡,走晒啲天地堂,選擇用最快速度返到公司開始工作。不過又因為又呢段經歷,先可以令我急促成長。

小熊發現自己由十七歲開始,「工作者」係完全填滿無半點縫隙,無留過休閒時間俾自己,少陪父母,公民意識幾乎係零。而幾年後有全職工作時,幸好係其他角色上有上揚趨勢,對時事亦關注多左。大家都可以一試,劃完後你大致會睇得到會唔會係某個角色上投入程度過多,而平衡協調唔到其他角色?我地可以藉著生涯彩虹圖去為未來各個階段作出一些調配,重新安排角色既份量和走向。


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。



Share